Patriarku Porfirije, kreu i Kishës Ortodokse Serbe

Reagim i guximshëm, patriarku serb kërkon paqe me Kosovën: – S’jemi vëllezër, por mund të bëhemi fqinj të mirë

3 MAJ 2021

Kreu i Kishës Ortodokse Serbe Patriarku Porfirije ka bërë disa deklarata të guximshme sa i përket realitetit të tanishëm në Serbi në lidhje me raportet e tyre me shqiptarët, duke paralajmëruar kështu edhe si sinjal për njohjen e Kosovës si shtet të pavarur.

Patriarku Porfirije, kreu i Kishës Ortodokse Serbe (SPC), tha të hënën ishte e mundur që herët a vonë të gjendej një zgjidhje për bashkëjetesën midis serbëve të Kosovës dhe shqiptarëve.

“Ne nuk duhet të jetojmë si vëllezër, por mund të jemi fqinjë të mirë,” i tha ai Radios Shtetërore të Beogradit.

Ai shtoi po ashtu se Kosova është kthyer në një mit për serbët, ndërsa theksoi se në të ardhmen ekziston e hapur mundësia për një bashkëjetesë në paqe mes serbve dhe shqiptarëve në shtetin më të ri të Europës.

Porfirije shtoi se nëse Kosova do të shikohej vetëm si një territor ose një mit, mund të flitej për humbësit ose fituesit për kohë të shkurtër, ose të përjetshme. Por, ai tha, nëse Kosova do të shikohej nga perspektiva e saj, ajo do të shihej si një premtim dhe identitet dhe se zotimi i saj ishte i lidhur me Dëshminë e Re.

“Tani për tani, është e vështirë për njerëzit tanë dhe murgjit në Kosovë, por unë jam thellësisht i bindur se herët a vonë, do të gjendet një mundësi për bashkëjetesë midis serbëve dhe shqiptarëve,” tha Patriarku.

Ai shtoi se serbët dhe shqiptarët e zakonshëm kishin jetuar së bashku me shekuj. Patriarku tha që “burrat janë bërë armiq të njëri-tjetrit, jo vëllezër, dhe se ka shumë dallime mes tyre, por shumë më tepër të njëjta”.

Gazeta Shqip